កំពូលស្មាតហ្វូនរបស់ LG G5 ក្រៅពីមានមុខងារថ្មី Always ON ថែមទាំងមាន RAM 4GB, CPU ជំនាន់ចុងក្រោយ
គំរូ LG G5 (ប្រភព៖ phonesreview)
បន្ទាប់ពីក្រុមហ៊ុន LG ទើបបានអះអាងនូវលក្ខណៈពិសេសរបស់ G5
ដែលនឹងភ្ជាប់មុខងារថ្មី Always ON រួចមក ពេលនេះ
គេទទួលបានរបាយការណ៍ថ្មីពាក់ព័ន្ធលក្ខណៈសម្បត្តិលើកំពូលស្មាតហ្វូន
នេះទៀតហើយ។ G5 ត្រូវគេរំពឹងថា នឹងមាន RAM ទំហំធំដល់ទៅ 4GB
និងបំពាក់អង្គប្រតិបត្តិជំនាន់ចុងក្រោយរបស់ Qualcomm គឺ Snapdragon
820 ដំណើរការរឹតតែលឿនជាងជំនាន់មុនៗ។
-ដំណើរការដោយ Android 6.0.1
-ម៉ូដែល LGE LG-F700S
-CPU ម៉ាក Qualcomm ARMv8 @1.59GHz ប្រភេទ 4-core
-RAM ទំហំ 3785MB ឬ 4GB
ម៉ូដែល F700 គឺស្ថិតនៅបន្ទាប់ពី F600 ដែលជាស្មាតហ្វូន V10 ហើយឈរពីមុខម៉ូដែល F500 ដែលជាស្មាតហ្វូន G4។ ស្មាតហ្វូន G5 របស់ LG នឹងមានការឌីហ្សាញស្អាត មានការកែប្រែខ្លះ ដោយក្នុងនោះប៊ូតុងសំឡេង (Volume) នឹងប្ដូរទៅដាក់នៅចំហៀងម្ខាងវិញ ខុសពី G4 ដែលស្ថិតនៅពីក្រោយ។ កាមេរ៉ា G5 នឹងមានទំហំ 20MP ហើយកាមេរ៉ាមុខ 8MP ថត selfie បានច្បាស់, អេក្រង់ទំហំ ៥,៦អ៊ីញ។
LG នឹងប្រកាសចេញកំពូលស្មាតហ្វូនថ្មី G5 នៅថ្ងៃទី២១ ខែកុម្ភៈខាងមុខ ក្នុងព្រឹត្តិការណ៍ MWC 2016។ ថ្មីៗនេះ ក្រុមហ៊ុនបានអះអាងមុខងារថ្មីមួយ នឹងមានប្រើនៅលើ G5 នោះគឺទម្រង់អេក្រង់ “Always ON” ដែលអាចឱ្យអ្នកប្រើមើលឃើញសារ notification ចូលមក (ដូចជា missed call, message ឬ email) មិនចាំបាច់ដំណើរការបើកឱ្យ screen ទាំងមូលភ្លឺឡើយ៕
Post A Comment
No comments :