ទាញយកឯកសារដែរលុបបាត់ហើយ យកកមវិញជា កម្មវិធី MiniTool Power Data Recovery

ឯកសារខ្លះអាច ត្រូវបានលុបហើយចូលទៅក្នុង Recycle Bin តែឯកសារមួយចំនួន គឺមិននៅក្នុងទីតាំងនេះទេ ដូចច្នេះ ដើម្បីដោះស្រាយនូវរាល់បញ្ហានេះបាន លោកអ្នកអាចប្រើប្រាស់នូវកម្មវិធីជួយក្នុងការទាញយកឯកសារ ដែលបានបាត់បង់នោះមក វិញបាន ។
MiniTool Power Data Recovery ជាប្រភេទកម្មវិធី Data Recovery មួយដែលអាចឱ្យលោកអ្នកទាញយក file ផ្សេងៗ
ជាពិសេស file រូបភាពដែលបានបាត់បង់ដោយសារករណីផ្សេងៗ ។ កម្មវិធីនេះតម្រូវឱ្យលោកអ្នកធ្វើការ Scan រក file ទាំងនោះទៅតាមមូលហេតុនៃការបាត់បង់ ហើយនៅពេលដែលដំណើរការស្វែងរកបានចប់លោកអ្នកអាច filter ដោយជ្រើសរើសប្រភេទ file (file extension និង file size) នៅពេលដែលលោកអ្នកចង់រក្សាទុកឯកសារទាំងនោះ ។
លក្ខណៈរបស់កម្មវិធី
• អាចទាញយកឯកសារបន្ទាប់ពីការលុប File ចេញពីកុំព្យូទ័រ (Shift + Delete) និង បាត់ដោយសារ Virus វាយប្រហារ
• អាចទាញយកឯកសារបន្ទាប់ពីការ Format ឬ partition ត្រូវបានខូច (delete partition, damage partition)
• លោកអ្នកអាចប្រើប្រាស់ Scan រក file ដែលបានបាត់ពីឧបករណ៍ដូចជា hard disk, USB flash, memory card, memory stick, CD/DVD ។
• អាចប្រើប្រាស់ជាមួយ Partition ដែលមាន File System ដូចជា FAT12, FAT16, FAT32, NTFS, HFS
បញ្ជាក់ៈ កម្មវិធីនេះលោកអ្នកមិនអាចប្រើប្រាស់នៅលើ Windows Server បានទេ
ការប្រើប្រាស់

Undelete Recovery ប្រើសប្រាស់នៅពេលដែលលោកអ្នកច្រឡំលុប file ឬ folder (Shift + Delete ឬលុបបាត់ចេញពី Recycle Bin)

Damaged Partition Recovery ប្រើប្រាស់នៅពេលដែលឯកសារបាត់ដោយសារ formatted partition, Drive ក្លាយទៅជា RAW partition ឬ នៅពេលដែល Windows សួរអ្នកថា "តើអ្នកចង់ format drive នេះអត់? ឯកសារបាត់បន្ទាប់ពីកុំព្យូទ័រគាំង បាត់ដោយសារកម្មវិធីគាំង បាត់ដោយសារ Virus វាយប្រហារ ។ ល ។

Lost Partition Recovery ប្រើប្រាស់នៅពេលដែលឯកសារបាត់ដោយសារលោកអ្នកបានលុប partition ឬក៏នៅពេលដែល partition បានបាត់

Digital Media Recovery ប្រើប្រាស់នៅពេលលោកអ្នកចង់ ទាញយក file រូបភាព ចម្រៀង វីដេអូ ពីក្នុង memory card, memory stick និង flash drive

CD/DVD Recovery ប្រើប្រាស់នៅពេលលោកអ្នកចង់ទាញយកឯកសារពី CD/DVD ដែលបានបាត់ដោយសារការលុប file និង ការ format ឬ ការប្រើប្រាស់ tool ដើម្បី erase CD/DVD
វិធីប្រើប្រាស់
• នៅពេលដែលកម្មវិធីនេះបានបើកសូមចុចនៅលើប៊ូតុង “Launch Power Data Recovery Free Edition” ដើម្បីលោកអ្នកអាចប្រើប្រាស់កម្មវិធីនេះជាលក្ខណៈ Free Edition បាន

• សូមចុចនៅត្រង់ Undelete Recovery ដើម្បី Scan រក file ដែលបានលុបនៅពេលចេញពីកុំព្យូទ័រ ឬ មិនមាននៅក្នុង Recycle Bin

• បន្ទាប់មកជ្រើសរើស partition ដែលលោកអ្នកបានលុបនូវរាល់ file ទាំងនោះ ហើយចុចនៅប៊ូតុង Recovery ដើម្បីដំណើរការ Scan partition នេះរកមើល file ដែលបានលុប

• បន្ទាប់ពីកម្មវិធីនេះ Scan រកឃើញនូវ file ដែលបានបាត់បង់រួចហើយ លោកអ្នកអាចកំណត់ឱ្យវាបង្ហាញតែលទ្ធផលដែលចង់បាន ដោយគ្រាន់តែចុចនៅលើ Advance Filter

-- ដើម្បីកំណត់ការបង្ហាញលទ្ធផលទៅតាម file extension គឺគ្រាន់តែកំណត់នៅត្រង់ By Filename/Extension
-- ដើម្បីកំណត់ការបង្ហាញលទ្ធផលទៅតាម file size គឺគ្រាន់តែកំណត់នៅត្រង់ By Size
-- ដើម្បីកំណត់ការបង្ហាញលទ្ធផលទៅតាមថ្ងៃទី នៃការបង្កើត (Creation) ឬ ការកែប្រែ file (Modification) គឺគ្រាន់តែកំណត់នៅត្រង់ By Date