សាមសុង Galaxy S7 edge និង Galaxy S7 ត្រូវបានដាក់បង្ហាញជាផ្លូវការនៅកម្ពុជា ថ្ងៃនេះ

ក្រុមហ៊ុន​សាម​សុង​បានរៀបចំ​កម្មវិធី​ ជួបជុំ​ដៃគូរ​ពាណិជ្ជកម្ម​ដើម្បី​ដាក់​បង្ហាញ​ទូរស័ព្ទ សាម​សុង Galaxy S7 edge និង Galaxy S7 ជា​ផ្លូវការ​នៅលើ​ទីផ្សារ​ប្រទេស​កម្ពុ​ជានា​ថ្ងៃទី 16ខែ មីនា ឆ្នាំ 2016 នេះ ក្នុង​សណ្ឋាគា Raffle Le Royal ខណៈពេលដែល​ការ​កុម្ម៉ង់​ទិញ​ទូរស័ព្ទ ទាំងពីរ​សេ​៊​រី​នេះ​កំពុងតែ​មានការ​កើនឡើង លើសពី​ការរំពឹងទុក​ទាំង​នៅក្នុង​ប្រទេស​កម្ពុជា និង នៅ​ជុំវិញ​ពិភពលោក។

ទូរស័ព្ទ Galaxy S7 edge និង Galaxy S7 ដ៏​ទំនើប​និង​ថ្មី​បំផុត​របស់​សាម​សុង​កំពុងតែ មាន​ភាពល្បីល្បាញ និង​លេចធ្លោ​នៅ​ទូទាំងប្រទេស ដោយ​បច្ចេកវិទ្យា​ថ្មី​ចុងក្រោយបង្អស់ របស់​ទូរស័ព្ទ​ម៉ូ​ឌែ​ល​ថ្មី​នេះ បានធ្វើអោយ​អតិថិជន​និង​អ្នកគាំទ្រ​កំពុង​ទន្ទឹងរង់ចាំ​យ៉ាង​អន្ទះសារ ក្នុងការ​ក្លាយជា​ម្ចាស់ Smartphone ម៉ូ​ឌែ​ល​ថ្មី​នេះ។

Galaxy S7 edge និង Galaxy S7 ជា​កំពូល​ស្មា​ត​ហ្វូ​ន​ដំបូង​របស់​ក្រុមហ៊ុន​សាម​សុង​ដែល បំពាក់ Hybrid Slot ប្រើប្រាស់​ស៊ីម​ពីរ ឬ បន្ថែម​អង្គ​ចងចាំ​មួយទៀត​រហូតដល់​ទៅ 200GB បាន។ ស្មា​ត​ហ្វូ​ន​ទាំងពីរ ក៏បាន​បង្កើន​នូវ​សមត្ថភាព​ជាច្រើន​ដូចជា IP68 ដែល​ការពារ​ការ​ជ្រាប​ទឹក​និង​ធូលី ហើយ​កាមេរ៉ា​មាន dual pixel ជាមួយ​Len 1.7 (Aperture 1.7) ដែល​អាច​ថតរូប​មាន​ច្បាស់​និង មាន​គុណភាព​បំផុត​ដូច​កាមេរ៉ា​អាជីព។

សម្រាប់​អតិថិជន​ទាំងអស់ ដែល​ជាវ​កំពូល​ស្មា​ត​ហ្វូ​ន Galaxy S7 edge ឬ Galaxy S7  នៅក្នុង​ពិធី​តាំង​លក់​នៅ​ផ្សារ​ទំនើប​សុរិយា​នា​ថ្ងៃទី19 ខែមីនា ឆ្នាំ2016 ចាប់​តាំ​ពី​ម៉ោង 8ព្រឹក ដល់​ម៉ោង6ល្ងាច លោក​អ្នកនឹង​ទទួលបាន Gear VR ដែលមាន​តម្លៃ 130ដុល្លា ចំនួន​មួយគ្រឿង​ដោយ​ឥតគិតថ្លៃ និង​មានឱកាស​ឈ្នះ​បណ្ណ​ទឹកប្រាក់100 ដុល្លារ ហើយ ។ បន្ថែម​ពីនេះ លោកអ្នក​ក៏​ទទួលបាន​នូវ​សី​ុ​មកា​ត​ពី​ក្រុមហ៊ុន  Cellcard ដែលមាន​ទឹកប្រាក់ រហូតដល់​ទៅ 720 ដុល្លា និង អី​ុ​ធឺ​ណែ​ត​ចំនួន 6GB  អត្រា​ការប្រាក់ 0% សម្រាប់​ការបង់​រំលស់ ជាមួយ​មីក្រូហិរញ្ញវត្ថុ AEON ផងដែរ។

យោងតាម​គេហទំព័រ IDC Analyze the future បានអោយដឹងថា សាម​សុង​នៅតែ ជា​ក្រុមហ៊ុន​ទូរ​ស័​ទ្ទ​លេខ ១  ក្នុង​ពិភពលោក ដែល​លក់បាន 85.6 លាន​គ្រឿង​នៅក្នុង​ត្រីមាស ទី 4 ក្នុង​ឆ្នាំ 2015 កើនឡើង 14% បើ​ប្រៀបធៀប​ទៅនឹង​ឆ្នាំមុន។    

ប្រភព៖ Magazine Phone

Newer Post Older Post