ចំណុចពិសេស ៤យ៉ាងដែលលោកអ្នកអាចទទួលបានពីកម្មវិធី Dropbox

Dropbox បានក្លាយជាកម្មវិធីដ៏មានអត្ថប្រយោជន៍នៅលើឧបករណ៍អេឡិចត្រូនិករបស់លោកអ្នក មិនថា នៅលើកុំព្យូទ័រ ឬនៅលើស្មាតហ្វូននោះទេ គឺវាអាចឱ្យអ្នកផ្ទុកឯកសារចូលទៅសេវាកម្មផ្ទុកទិន្នន័យអនឡាញបាន នៅពេលមានអ៊ីនធឺណិត។ វាថែមទាំងផ្ដល់ភាពងាយស្រួលដល់អ្នក ក្នុងការគ្រប់គ្រង file និង folder បានគ្រប់ទីកន្លែងនៅលើម៉ាស៊ីនរបស់លោកអ្នក ដូចជា add, edit, copy និង delete ហើយក៏អាចការផ្លាស់ប្ដូរទាំងនេះ នឹងប្រព្រឹត្តិទៅភ្លាមៗតែម្ដង។

ទំព័រនេះ យើងសូមណែនាំពីអត្ថប្រយោជន៍ ៤យ៉ាងដែលអ្នកអាចទទួលបានពី Dropbox៖

១) ប៊ែកអាប់ទុកទិន្នន័យសំខាន់ៗ (Storage Backup)
Dropbox ចំពោះអ្នកប្រើប្រាស់កុំព្យូទ័រ និងស្មាតហ្វូនទំនើបប្រហែលជាធ្លាប់ឃើញនៅលើឧបករណ៍អេឡិចត្រូនិករបស់ខ្លួន ហើយអ្នកខ្លះថែមទាំងកំពុងប្រើ ប៉ុន្តែមួយចំនួនទៀតប្រហែលមិនទាន់ស្គាល់ច្បាស់ពីវានៅឡើយ។

Dropbox ជាសេវាកម្មផ្ទុកឯកសារអនឡាញ ឱ្យតែមានអ៊ីនធឺណិតគឺអាចនាំយក file/folder ទៅផ្ទុក និងទាញយកមកវិញបានតាមចិត្ត គ្រប់ពេលវេលា គ្រប់ទីកន្លែង។ ដោយសារតែបែបនេះ អ្នកជំនួញដែលមានទិន្នន័យសំខាន់ៗ និងសម្ងាត់នោះ គេបានជ្រើសរើស Dropbox សម្រាប់ផ្ទុកទិន្នន័យទាំងនោះ។ វាងាយស្រួលមិនចាំបាច់ឱ្យគេត្រូវកាន់ឧបករណ៍ផ្ទុកទិន្នន័យ (USB Flash, External HDD ...) ទៅជាមួយនោះឡើយ។ លើសពីនេះ Dropbox ជាសេវាកម្មផ្ទុកទិន្នន័យផ្ដល់សុវត្ថិភាពខ្ពស់ដែលលោកអ្នកអាចជឿទុកចិត្តបាន។

២) ងាយស្រួលស៊ែរឯកសារ (File Sharing)
លក្ខណៈ ពិសេសនៅលើ Dropbox មួយទៀត គឺវាផ្ដល់ភាពងាយស្រួលក្នុងការចែកចាយ (share) ឯកសារឱ្យគ្នា រវាងដៃគូពាណិជ្ជកម្ម ក្រុមហ៊ុន ស្ថាប័ណ្ណ និងបុគ្គលិកជាដើម។ ដើម្បីអាចចែកចាយបាន លោកអ្នកត្រូវមានគណនីមួយ ហើយត្រូវអាប់ឡូដ (ដាក់ file ក្នុង dropbox) រួចហើយចែកចាយ(share) មាតិកា (content) ទាំងឡាយដែលអ្នកចង់ចែករំលែកជាការស្រេច។ ជាការពិត ប្រសិនអ្នកចង់ឱ្យការចែកចាយធ្វើឡើងបានសម្រាប់តែទ្វេរភាគី ឬរវាងអ្នក និងមនុស្សម្នាក់ទៀតប៉ុណ្ណោះនោះ អ្នកត្រូវចាក់សោ (lock) ថតឯកសារ (folder) ជាមួយលេខសម្ងាត់ (password) ហើយប្រាប់លេខសម្ងាត់នោះទៅឱ្យភាគីម្ខាងបានដឹង ជាការស្រេច។

៣) ស្រួលភ្ជាប់យកទិន្នន័យមកប្រើវិញ (Access)

ជាការពិត គោលបំណងដែលអ្នកដាក់ឯកសារនៅក្នុង dropbox គឺដើម្បីជៀសវាងបាត់បង់ដោយយថាហេតុ ប៉ុន្តែក៏ដើម្បីងាយស្រួលទាញយកមកវិញ បានគ្រប់ពេលដែលមានអ៊ីនធឺណិតដែរ។ ការភ្ជាប់ប្រើ (access) ទិន្នន័យពី Dropbox គឺមានពីររបៀបដែលអនុវត្តនោលើកុំព្យូទ័រ និងឧបករណ៍អេឡិចត្រូនិកចល័ត (ស្មាតហ្វូន / ថេប្លេត …)។

+សម្រាប់ការភ្ជាប់យកឯកសារពី dropbox តាមកុំព្យូទ័រ៖

Dropbox ជាកម្មវិធីដែលអ្នកអាចទាញយកបាន និងដំឡើងប្រើនៅលើកុំព្យូទ័រ ឬអ្នកអាចចូលទៅគេហទំព័រ dropbox.com ដោយផ្ទាល់ក៏បាន។ ប៉ុន្តែការប្រើកម្មវិធី Dropbox គឺផ្ដល់លក្ខណៈ ងាយស្រួលជាង ដោយវាអាចឱ្យអ្នកកំណត់ថតឯកសារនៅលើទីតាំងណាមួយនៃ Hard Drive របស់កុំព្យូទ័រអ្នក ដើម្បីធ្វើការផ្ទេរដោយស្វ័យប្រវត្តិ រាល់ពេលមានការបន្ថែមចូល ឬដកឯកសារ ឬកែអក្សរគ្រប់ពេល។ វាអាចដំណើរការបានទាំងនៅលើ Windows PC, Linux ឬ Mac។

ថ្វីត្បិតកុំព្យូទ័ររបស់អ្នក គ្មានអ៊ីនធឺណិត អ្នកក៏នៅតែអាច copy ឯកសារចូលទៅថត (folder) នោះបាន ហើយនៅពេលមានតំណភ្ជាប់អ៊ីនធឺណិត វានឹងធ្វើការផ្ទេរចូលទៅ dropbox ដោយស្វ័យប្រវត្តិតែម្ដង។

+ការភ្ជាប់យកឯកសារពី dropbx តាមស្មាតហ្វូន៖

មិនខុសគ្នាប៉ុន្មាននឹងការប្រើកម្មវិធីនៅលើកុំព្យូទ័រនោះទេ ដោយកម្មវិធី dropbox app នៅលើស្មាតហ្វូន / ថេប្លេត វាមានមុខងារផ្ទេរឯកសារ ពិសេសគឺរូបថត និងវីដេអូរបស់លោកអ្នក ចូឡទៅ dropbox ដោយស្វ័យប្រវត្តិនៅពេលមានអ៊ីនធឺណិត។ លោកអ្នកមិនចាំបាច់បារម្ភខ្លាច រូបថត និងវីដេអូស្អាតៗរបស់អ្នក បាត់បង់ទៀតឡើយ បើទោះបីអ្នកច្រឡំលុប ឬបង្ខំចិត្តលុបដោយសារអស់មេម៉ូរីទូរស័ព្ទក៏ដោយ ក៏អ្នកនៅតែអាចទាញយកមកវិញគ្រប់ពេលវេលាឱ្យតែមានអ៊ីនធឺណិត។

៤) អាប់ដេតឯកសារ (Update)
នៅពេលណាក៏ដោយ ឱ្យតែមានការបន្ថែម ឬកែប្រែទិន្នន័យ ឬលុបទិន្នន័យពី folder ដែលបាន share នោះ Dropbox នឹងធ្វើបច្ចុប្បន្នបញ្ជីផ្ទុកទិន្នន័យលើសេវាកម្មរបស់ខ្លួន។ នេះនឹងផ្ដល់ទំនុកចិត្តដល់អ្នកប្រើ ក្នុងការដែលអាចរក្សាទុក និងយកមកប្រើ ទិន្នន័យថ្មីដែលបានអាប់ដេតចុងក្រោយបំផុត។

ប្រភពពី៖ phnompenhtimes

Labels Ikhnow

News Technology

How To