Bluetooth 5 ​នឹង​មាន​ល្បឿន​បញ្ជូន​ទិន្នន័យ​លឿន​ជាង​មុន​ ៤ដង ហើយ​បាញ់​បាន​ឆ្ងាយ​ជាង​មុន​ទ្វេរ​ដង!

Bluetooth គឺ​ជា​មុខងារ​សំខាន់​មួយ​ដែល​ត្រូវ​បាន​គេ​យក​ទៅ​បំពាក់​នៅ​លើ​ស្មាតហ្វូន​យ៉ាង​ច្រើន​នៅ​លើ​ទីផ្សារ​បច្ចុប្បន្ន។ Bluetooth បាន​បម្រើ​ដល់​អ្នក​ប្រើ​ទូរស័ព្ទ​ជាច្រើន​ឆ្នាំ​មក​ហើយ សម្រាប់​បញ្ជូន​ទិន្នន័យ​រវាង​ឧបករណ៍​ពីរ​ដោយ​មិន​ចាំបាច់​ប្រើ​ខ្សែ។ ចំណែក​ពេល​នេះ មាន​សេចក្ដី​រាយការណ៍​ថា អង្គការ​អភិវឌ្ឍ​ស្តង់ដារ​តំណភ្ជាប់​ឥត​ខ្សែ Bluetooth SIG កំពុង​អភិវឌ្ឍ​ជំនាន់​ថ្មី​ដែល​ជា Bluetooth 5 ដែល​មាន​ល្បឿន​លឿន​ជាង​ជំនាន់ Bluetooth 4.2 ​ដល់​ទៅ ៤ដង​ឯណោះ និង​មាន​ដែន​បាចសាច​ធំ​ទូលាយ បាញ់​បាន​ឆ្ងាយ​ជាង​មុន ២ដង។

សូមបញ្ជាក់ថាអង្គការSIG អភិវឌ្ឍបច្ចេកវិទ្យា Blueooth កន្លងទៅ មានការគាំទ្រពីបណ្ដាក្រុមហ៊ុនទូរស័ព្ទស្ទើរទាំងអស់ ពិសេសគឺក្រុមហ៊ុនបច្ចេកវិទ្យាធំៗតែម្ដង ដូចជា ក្រុមហ៊ុន Apple, Intel និង Microsoft។

ក្រុម SIG បានពន្យល់ថា ខ្លួនបានប្រើឈ្មោះ Bluetooth 5 គឺដើម្បីងាយស្រួលដល់អ្នកប្រើ ចំណាំដឹងអំពីជំនាន់របស់ Bluetooth ជាក់ស្ដែង Bluetooth ត្រូវបានចេញឱ្យប្រើផ្លូវការនៅលើឧបករណ៍អេឡិចត្រូនិកចាប់តាំងពីឆ្នាំ១៩៩៤ ដែលពេលនោះត្រូវបានក្រុមហ៊ុន Ericsson យកទៅបំពាក់នៅលើឧបករណ៍របស់ខ្លួន។ នេះជាជំនាន់ Bluetooth ចាប់តាំងពីជំនាន់ដំបូងគឺ Bluetooth v1.0 និង v1.0B, Bluetooth v1.1, Bluetooth v1.2, Bluetooth v2.0 + EDR, Bluetooth v2.1 + EDR, , Bluetooth v3.0 + HS, Bluetooth v4.0, Bluetooth v4.1, Bluetooth v4.2 និង Bluetooth v5 នេះតែម្ដង៕

ប្រែ​សម្រួល៖ ឈុន ហួរ
ប្រភព៖ thephnompenhtimes

Newer Post Older Post