កម្មវិធី​ថ្មី សម្រាប់​លេង​កម្មវិធី និង​ហ្គេម​របស់ Android នៅ​លើ​កុំព្យូទ័រ

នេះគឺជាដំណឹង ដ៏ល្អថ្មីមួយទៀត​ហើយ សម្រាប់​ប្រិយ​មិត្ត ដែល​មាន​បំណង ចង់​លេង​ហ្គេម របស់​ប្រព័ន្ធ Android នៅលើ កុំព្យូទ័រ ដោយ​នៅ​ក្នុង ពេល​នេះ មាន​កម្មវិធីថ្មីមួយទៀតហើយ ដែលនឹងអនុញ្ញាតិ អោយ​លោកអ្នក អាចប្រើប្រាស់ កម្មវិធី និងហ្គេម របស់ Android នោះ នៅលើកុំព្យូទ័រ បានយ៉ាងងាយ។

កម្មវិធីថ្មីនេះដែរ មានឈ្មោះថា MEmu គឺជា emulator មួយប្រភេទ ដែលស្រដៀងទៅនឹង កម្មវិធី Bluestack ដែរ ក៏ប៉ុន្តែ គ្រាន់តែខុសគ្នា ត្រង់មុខងារចំនួន និងផ្ទៃអ៊ីនធើហ្វេស តែប៉ុណ្ណោះ។ ចំណែកឯ ល្បឿនវិញ អាចនិយាយបានថា គ្រាន់បើជាង ហើយប្រសិនបើ ប្រិយមិត្ត ទាំងអស់គ្នា ចង់សាកល្បងនោះ អាចធ្វើការទាញយកវា នៅទីនេះបាន ដោយចុចលើ តំណរភ្ជាប់ ខាងក្រោមនេះ៖

• ចុចទីនេះ ដើម្បីទាញយក កម្មវិធី MEmu (សម្រាប់កុំព្យូទ័រ)

សម្រាប់របៀបតម្លើងវិញ គឺលោកអ្នក គ្រាន់តែបើកតម្លើងធម្មតា តែប៉ុណ្ណោះ តែបន្ទាប់ពី តម្លើង​ហើយ​នោះ វាអាចនឹង បង្ហាញផ្ទាំង error ថា “MEmu has stopped …” តែសូមកុំបារម្ភអី។ លោកអ្នក គ្រាន់​តែ​ចាកចេញ ពីផ្ទាំង error នោះ ហើយទៅបើក វាសាឡើងវិញ នៅលើ Desktop វានឹងដំណើរការ ដោយ​​ស្វ័យប្រវត្តិ តែម្តង។

បញ្ជាក់ថា៖ កម្មវិធីនេះ ក៏អាចលេងហ្គេម ក្រាហ្វិកធំៗ ដូចជាហ្គេម VainGlory បានផងដែរ !!!

ដូចនេះ ដើម្បីផ្លាស់ប្តូរ ចំណីអារម្មណ៍ថ្មី ជាមួយនឹង ការលេងហ្គេម ឬប្រើប្រាស់ កម្មវិធីរបស់ Android នៅលើកុំព្យូទ័រនោះ លោកអ្នក អាចសាកល្បង ជាមួយនឹង កម្មវិធីមួយនេះបានណា។

Newer Post Older Post