Apple ដាក់បញ្ចេញ កំណែទំរង់សាកល្បង iOS 9.3 Beta ជាមួយមុខងារបន្ថែមថ្មីច្រើន

ក្រុមហ៊ុន Apple បានធ្វើអោយមាន ការភ្ញាក់ផ្អើល បន្តិចដែរ នៅពេល ក្រុមហ៊ុននេះ បានដាក់បញ្ចេញ កំណែទំរង់សាកល្បងថ្មី iOS 9.3 Beta នៅថ្ងៃនេះ ខណៈដែល iOS 9.2.1 ស្ថិតនៅ ដំណាក់សាកល្បង និងមិនទាន់បញ្ចេញជា សាធារណៈនៅឡើយទេ។ មានមុខងារថ្មីៗ ជាច្រើន ត្រូវបានគេ បន្ថែម នៅលើ 9.3 Beta នេះ ដែលរួមមាន៖


– Night Shift: មុខងារនេះ នឹងកាត់បន្ថយពន្លឺពណ៌ខៀវ ហើយធ្វើអោយ អេក្រង់ពណ៌លឿង ស្រទន់ឡើង ដើម្បីងាយស្រួល អានអក្សរ នៅពេលយប់

– 3D Touch: បន្ថែមមុខងារ ប៉ះសង្កត់ ច្រើនទៀត នៅលើ កម្មវិធីដែលមកជាមួយប្រព័ន្ធ ដូចជា App Store, Weather, Settings, Compass និង Health។

– Notes: អ្នកប្រើប្រាស់ មានជំរើសថ្មី អាចចាក់សោរ ឯកសារកំណត់ត្រា ណាមួយ ជាមួយ Touch ID ឬលេខកូដសំងាត់ នៅក្នុង កម្មវិធី Notes ដើម្បីការពារ អ្នកដទៃ មិនអោយបើកមើលបានផ្តេសផ្តាស់

– News: បន្ថែមមុខងារថ្មី ដូចជា Trending topics និង ប្រធានបទថ្មីៗ ដើម្បីអោយ អ្នកប្រើប្រាស់ ងាយស្រួលក្នុងការស្វែងរក

– Health: ណែនាំកម្មវិធី ដែលត្រូវដំឡើងបន្ថែម សំរាប់ ទិន្នន័យដែល អ្នកប្រើប្រាស់ មិនទាន់តាមដាន នៅឡើយ

– Live Photo: អ្នកប្រើប្រាស់ អាចបំលែង រូបភាពមានចលនា Live Photo ទៅជា រូបភាពហ្នឹង ពីក្នុង ប៊ូតុងចែករំលែក
– Siri: បន្ថែមភាសាថ្មី ម៉ាឡេសីុ, ហ្វាំងឡង់ និងអីុស្រាអែល

គួររំលឹកថា កំណែទំរង់សាកល្បងថ្មីនេះ សំរាប់តែអ្នកអភិវឌ្ឍកម្មវិធី តែប៉ុណ្ណោះ… មិនសាកសម សំរាប់ការប្រើការទូទៅនោះទេ៕
ប្រភព: Apple

Newer Post Older Post