វិធីធ្វើឲ្យទូរស័ព្ទ iPhone មានប៊ូតុង Back ដូចទូរស័ព្ទ Android ដែរ [មានវីដេអូ]

ជាការពិតណាស់ ការប្រើប្រាស់លើទូរស័ព្ទ iPhone មានលក្ខណៈរលូនល្អជាងគេក្នុងចំណោម Smartphone ទាំងអស់។ ប៉ុន្តែគួរឲ្យស្ដាយ ដែលទូរស័ព្ទ iPhone ពុំមានប៊ូតុង Back ដូចទូរស័ព្ទ Android និងបង្កឲ្យអ្នកប្រើប្រាស់ជួបប្រទះផលវិបាកយ៉ាងខ្លាំង នៅពេលចង់ត្រឡប់ទៅកាន់ការប្រើប្រាស់មុននេះបន្តិច។ ក្រោយមក Apple បានបន្ថែមប៊ូតុង Back នៅឆ្វេងដៃផ្នែកខាងលើ ក្នុងប្រព័ន្ធប្រតិបត្តិការ iOS ផ្ទាល់តែម្ដង ដើម្បីឲ្យការប្រើប្រាស់កាន់តែមានភាពងាយស្រួល។ ប៉ុន្តែអ្នកប្រើប្រាស់មួយចំនួននៅតែត្អូញត្អែរចង់ឲ្យមានប៊ូតុង Back នៅក្បែរប៊ូតុង Home ដូចទូរស័ព្ទ Android ដដែល។

ដូច្នេះហើយ ដើម្បីបំពេញតម្រូវការអ្នកប្រើប្រាស់ទូរស័ព្ទ iPhone នោះ ក្រុមហ៊ុនបច្ចេកវិទ្យាមួយបានផលិត Screen ការពារអេក្រង់ប្រភេទថ្មី ដែលអាចធ្វើឲ្យទូរស័ព្ទ iPhone មានប៊ូតុង Back និងប៊ូតុង Select ដូចទូរស័ព្ទ Android ដែរ។ នៅផ្នែកខាងស្ដាំនៃ Screen ត្រូវបានគេហៅថា Smart Return មានមុខងារត្រឡប់ថយក្រោយ ហើយនៅផ្នែកខាងឆ្វេងនៃ Screen ត្រូវបានគេហៅថា Smart Confirm មានមុខងារដូចនឹងការ Select។