Facebook ចាប់ផ្តើមបើកឲ្យក្រុមហ៊ុននានាធ្វើការផ្សព្វផ្សាយពាណិជ្ជកម្មរបស់ខ្លួន ទៅឲ្យអ្នកប្រើប្រាស់ដោយផ្ទាល់តាមរយៈ FB Messenger

កាលពីចុងឆ្នាំកន្លងទៅនេះ មានព័ត៌មានមួយចំនួនបានលេចចេញមកថា Facebook នឹងចាប់ផ្តើមអនុញ្ញាតឲ្យក្រុមហ៊ុននានាធ្វើការផ្សព្វផ្សាយពាណិជ្ជកម្មរបស់ខ្លួនទៅឲ្យអ្នកប្រើប្រាស់ Facebook ដោយផ្ទាល់តែម្ដង តាមរយៈកម្មវិធី Facebook Messenger ក្នុងកំឡុងខែ មេសា ឆ្នាំ 2016 នេះ។

ឥឡូវនេះ ព័ត៌មានដែលបានលេចចេញមកនោះ បានក្លាយជាការពិតហើយ ព្រោះក្រុមហ៊ុននានាបានចាប់ផ្តើមធ្វើការផ្សព្វផ្សាយផលិតផលរបស់ខ្លួនមកកាន់អ្នកប្រើប្រាស់ Facebook ដោយផ្ទាល់ហើយ ដោយការផ្សព្វផ្សាយស្ថិតនៅក្នុងប្រភេទជា Requests Message។

ដើម្បីឆែកមើល Request Message សូមចូលទៅកាន់កម្មវិធី Facebook Messenger ហើយចុចលើ Settings រួចចុចលើ People និងចុចលើ Message Requests។ ចុងក្រោយ សូមចុចលើ See Filtered Requests។

ប្រភពៈ MPMAG