ការអាប់ដេត Windows 10 ដោយហ្វ្រីនឹងបញ្ចប់ទៅត្រឹមថ្ងៃទី២៩ ខែកក្កដា ហើយក្រោយពីនោះនឹងគិតថ្លៃ ១១៩ដុល្លារ
សម្រាប់ប្រិយមិត្តដែលមិនទាន់បានធ្វើបច្ចុប្បន្នភាពពី Windows ចាស់ៗ ទាំង Windows 7 និង Windows 8/8.1 ឡើងទៅ Windows 10 ដែល Microsoft បានផ្ដល់ជូនការអាប់ដេតឥតគិតថ្លៃកន្លងមក សូមរួសរាន់ ព្រោះក្រុមហ៊ុននឹងចាប់គិតប្រាក់រាល់ការអាប់ដេត Windows 10 ក្រោយថ្ងៃទី២៩ ខែកក្កដា ឆ្នាំ២០១៦ ខាងមុខ។
តាមធម្មតា Microsoft បានផ្ដល់ការអាប់ដេតឡើងទៅ Windows 10 ដោយឥតគិតថ្លៃ ហើយអ្នកប្រើប្រាស់ Windows 7 និង 8/8.1 ប្រហែលសុទ្ធតែបានឃើញផ្ទាំងសូហ្វ៊ែរលោតឡើងជាញឹកញាប់ដើម្បីដាស់តឿនអ្នកឱ្យធ្វើបច្ចុប្បន្នភាពប្រព័ន្ធ។ យ៉ាងណា ប្រហែលប្រិយមិត្តមួយចំនួន តែងតែមើលរំលោង គ្រាន់តែចុចបិទផ្ទាល់នោះទៅវិញប៉ុណ្ណោះ។ ដូច្នេះ ដើម្បីទទួលយក Windows 10 ឥតគិតថ្លៃ ប្រិយមិត្តអាចរួសរាន់ធ្វើបច្ចុប្បន្នភាពឱ្យបានមុនថ្ងៃទី២៩ ខែកក្កដាខាងមុខ ព្រោះ Microsoft នឹងចាប់ផ្ដើមគិតប្រាក់ក្រោយកាលបរិច្ឆេទកំណត់នេះ ១១៩ដុល្លារសម្រាប់ការអាប់ដេត។
សូមបញ្ជាក់ថា Windows 10 គិតត្រឹមចុងខែមករា ឆ្នាំ២០១៦ នេះ បានក្លាយជាប្រព័ន្ធប្រតិបត្តិការដែលគេនិយមប្រើបំផុតលំដាប់លេខ២ ក្រោយក្រុមហ៊ុន Microsoft ដាក់ឱ្យប្រើប្រាស់ផ្លូវការរយៈពេល ៦ខែ៕
ប្រភពពី៖ phnompenhtimes
how about no licence window 7 can free upgrade to window 10 or not....?
ReplyDelete