ទាំង Gmail, Yahoo និង MSN សុទ្ធតែត្រូវ Hacker ក្មេងជនជាតិរុស្ស៊ីអុកលុកលួចបានខ្ទង់លានគណនី ពិសេសគឺ Mail.ru របស់រុស្ស៊ីផ្ទាល់ខូចអស់ ៥៧លានគណនី
យោងតាមប្រភពព័ត៌មានរ៉យទ័រឱ្យដឹងថា ថ្មីៗនេះ គណនីសេវាកម្មផ្ញើអ៊ីមែល (Email) មួយចំនួនកំពុងត្រូវបាន Hacker លួចយកព័ត៌មានគណនី ចំនួនរាប់រយលានគណនីមកហើយ ដែលព័ត៌មានទាំងនោះជា user name និង password ជាកូនសោដើម្បីបើកមើលសារផ្ទាល់ខ្លួនរបស់អ្នកប្រើប្រាស់បាន។
ថ្មីៗនេះ គេបានរកឃើញមានគណនីប្រមាណ ២៧២,៣លានគណនីត្រូវបានគេលួចយក ហើយក្នុងនោះសេវាកម្មអ៊ីមែលរបស់រុស្ស៊ីល្បីឈ្មោះបំផុតមួយ Mail.ru គឺបានរកការវាយប្រហារធំជាងគេ។ ក្រៅពីនេះ គឺមានការខូចខាតទំហំតូចប៉ុណ្ណោះមានដូចជា សេវាកម្មផ្ញើអ៊ីមែលរបស់ Google, Yahoo និង Microsoft ជាដើម។ នេះបើតាមការបញ្ជាក់ប្រាប់ដោយស្ថាបនិក និងប្រធានផ្នែកសុវត្ថិភាពប្រព័ន្ធរបស់ក្រុមហ៊ុន Hold Security គឺលោក Alex Holden។
សូមបញ្ជាក់ថា នេះគឺជាការវាយប្រហារលួចគណនីអ្នកប្រើសេវាកម្ម Email ទ្រង់ទ្រាយធំបំផុតមួយ បន្ទាប់ពីមានការវាយប្រហារដោយ hacker ទៅលើធនាគារអាមេរិក និងអ្នកលក់ កាលពីរយៈពេល ២ឆ្នាំមុន។ ក្រុមអ្នកស្រាវជ្រាវរបស់ Hold Security បានរកឃើញ hacker ដែលបង្កព្យុះភ្លៀងនេះគឺជាក្មេងតូចជនជាតិរុស្ស៊ីប៉ុណ្ណោះ ដែលក្មេងនោះបានអួតនៅលើទំព័របញ្ចេញមតិថា គេបានលួចយកព័ត៌មានគណនីសរុបប្រមាណ ១,១៧ពាន់លានកំណត់ត្រា ហើយក្នុងនោះសេវាកម្ម Mail.ru រកការខូចខាតចំនួន ៥៧លានគណនី៕
ប្រភពពី៖ phnompenhtimes
Labels
Ikhnow
Post A Comment
No comments :